A Concellería de Muller e Igualdade do Concello de Monforte, a través do CIM, lembra que o Punto de seguridade das Festas Patronais ‘CARAVANA MORADA‘ estará a disposición da veciñanza e visitantes ata o 16 de agosto prestando asesoramento e concienciando contra as violencias ao mesmo tempo que ofrecerá unha atención directa en coordinación coas forzas de seguridade a quen a precise.
O punto en cuestión está ubicado dende este luns 11 e ata o 16 de agosto na Rúa Cardeal, zona do Parque dos Condes e preto dos dispositivos de seguridade, e dará atención cos seguintes horarios:
MARTES 12 DE AGOSTO de 22.00 a 5.00 h.
MÉRCORES 13 DE AGOSTO de 21.00 a 4.00 h.
XOVES 14 DE AGOSTO de 21.00 a 4.00 h.
VENRES 15 DE AGOSTO de 21.30 a 4.30 h.
SABADO 16 DE AGOSTO de 21.30 a 4.30 h.
A atención técnica será prestado durante as 7 horas de cada xornada, por unha psicóloga e por unha asesora xurídica na instalación punto seguridade Caravana Morada, co obxectivo de sensibilizar e prestar atención directa nos horarios sinalados. Este labor dos profesionais da caravana realizarase en coordinación cos dispositivos de seguridade das Festas.
CARAVANA MORADA
A caravana morada informa, asesora e visibiliza o rexeitamento comunitario do acoso e agresións de xénero a través de profesionais do dereito e psicoloxía con formación especializada nesta materia cun dobre compoñente: por unha banda, concienciar e visibilizar o compromiso social e o rexeitamento comunitario das violencias informando sobre os recursos dispoñibles ao público en xeral e por outro, prestar un servizo de atención directa dentro das festas en coordinación coas forzas de seguridade atendendo ás persoas que así o demanden.
Esta medida de seguridade específica para as festas vai acompañada por unha campaña de publicidade que inclúe carteleiras difundindo a localización, horarios e funcións do punto de asistencia que se repartiron xa polos establecementos hostaleiros e locais comerciais xunto cos carteis das festas, así como material diversos de sensibilización (Chapas, pulseiras fluorescentes e de lazo, tarxetas, etc.) que se repartirán dende a propia CARAVANA MORADA.
Estas actuacións están financiadas con cargo aos créditos recibidos do Ministerio de Igualdad. Resolución de 18 de xullo de 2025, da Secretaría de Estado de Igualdad y para la Erradicación de la Violencia contra las Mujeres, de transferencias para el desarrollo de nuevas o ampliadas competencias reservadas a las entidades locales en el Pacto de Estado contra la Violencia de Género para el ejercicio 2025.
INFORMACIÓN COMPLEMENTARIA
PROTOCOLO DE ACTUACIÓN CONTRA AS VIOLENCIAS SEXUAIS E LGBTIFÓBICAS NOS EVENTOS E ESPAZOS FESTIVOS.
PROTOCOLO DE ACTUACIÓN CONTRA AS VIOLENCIAS SEXUAIS E LGBTIFÓBICAS NOS ESPAZOS DE LECER NOCTURNO
