Xermolos, Brais das Hortas, a Escola de Música do Incio, Mekanika Rolling Band, Zeltia Irevire, Sacha na Horta, De Ninghures, Kumpañia Algazarra e Dj Um Sincero compoñen o cartel desta edición do festival.

Os concertos comezan ás 19.30h pero o ambiente festivo respirarase desde o mediodía coa sesión vermú e o xantar popular na carballeira a carón do campo de fútbol. Animan á participación da veciñanza no evento, como subliñou Luis Valcárcel, responsable da organización.

A colaboración co festival Terra Brava encádrase na rede de apoio que a Vicepresidencia da Deputación de Lugo ofrece a festivais promovidos polo tecido asociativo para fomentar a presenza da música galega e en galego en eventos musicais por todo o territorio da provincia.