O Consorcio de Turismo, en colaboración coa Axencia de Turismo de Galicia, organizan unha nova edición do xa clásico Viñobús Vendima, unha das experiencias máis singulares e demandadas do calendario enoturístico galego, que vén de abrir o prazo de reservas.
A experiencia comeza coa visita ao viñedo, onde os participantes aprenderán sobre os diferentes tipos de uva, cortarán os acios, transportaranos e mesmo poderán pisar as uvas como se facía antano. Posteriormente, na adega, poderán desfrutar dunha cata de viños e mosto, así como como dun xantar tradicional, seguindo o menú propio dos viticultores durante unha xornada de vendima. “A actividade continúa a manter a esencia doutras edicións, orientada a grupos moi reducidos para garantir unha experiencia auténtica e de calidade”, explican.
DATAS 2025: 13, 14, 20, 21, 27, 28 de setembro.
Horario: saída ás 10:30 h dende Monforte de Lemos e regreso arredor das 16:30h.
Prezo: Adultos 15 €; nenos/as (4-12 anos) 10 €; menores de 4 anos gratis.
O prezo inclúe: traslado desde o punto de encontró, xantar en adega e guía acompañante.
Prazas limitadas: grupos reducidos, de máximo 15 persoas, para garantir unha experiencia auténtica.
Máis información e reservas: https://turismo.ribeirasacra.org/vinobusvendimia2025
Viñobús Vendima / Consorcio de Turismo da Ribeira Sacra
