O Centro Comercial Aberto Ribeira Sacra, entidade que acolle a comerciantes e empresarios do Concello de Chantada, organiza unha actividade de lecer centrada nos máis pequenos da casa este sábado. Comeza un novo curso e con esta festa queren ter un detalle con eles para que a volta ao colexio sexa máis levadeira.

Para participar, e co obxectivo tamén de dinamizar a economía local, as entradas conseguíanse gastando un mínimo de 20 euros nos establecementos asociados ata este mesmo sábado 13 de setembro.

A partir das 17:00 e ata as 20:00 h. o Parque Eloisa Rivadulla de Chantada acollerá a denominada “Festa d@ nen@” na que haberá inchables, lambetadas, música e unha Festa da Escuma.

Dende o Centro Comercial Aberto Ribeira Sacra lembran que “setembro é o mes dos bos propósitos (volver ao ximnasio, comer mellor…) e tamén da volta ao cole. E podes facelo todo mercando na túa vila: apoia ao pequeno comercio!”.