A Consellería de Sanidade da Xunta de Galicia alongará ata o vindeiro venres 25 de xaneiro a campaña de vacinación da gripe que se está desenvolvendo na comunidade baixo o lema ‘Contaxia a túa enerxía e non a gripe’.

O motivo desta decisión vén dado polo feito de que este ano se atrasou a chegada da onda de gripe á comunidade e, polo tanto, todas aquelas persoas que o desexen e non o fixeran, aínda están a tempo de vacinarse.

Sanidade subliñou o aumento do número de vacinados entre os profesionais sanitarios, case un 32% máis que o ano pasado tendo especial relevancia no Hospital Comarcal de Monforte onde se vacinaron uns 161 prorfesionais. Máis información no Galicia Confidencial.