O Club Quixós participou este pasado domingo, 21 de setembro, no ‘Campionato Galego de Promoción Slalom’ que se celebrou nas augas do río Tea, concretamente na Praia do Val de Mondariz. No podio estiveron o Club de Dumbría, Os Teixugos de Tomiño e o Club Tea de Mondariz, levando respectivamente ouro, prata e bronce. O club monfortino quedou no 4º lugar tras acadar un total de 5 medallas individuais.
O Quixós chegaba á proba con sete piragüistas, 5 fixos na ‘promoción slalom’ deste ano: Lucas, Rodrigo, Manuel, Xoel e Breixo; e 2 deles que participaban por primeira vez en competición oficial: Sara e Juán.
Os piragüistas que subiron ao podio foron: Xoel Fernández (ouro en C-1 e prata en K-1 infantil); Manuel (prata en K-1 e bronce en C-1 alevín); e Breixo Fernández (ouro en K-1 benxamín).
Rematadas todas as probas da tempada o Club Quixós quedou 2º na Liga Galega de Promoción Slalom.
