Co obxectivo de dar visibilidade á ELA e recadar fondos para financiar os gastos desta experiencia no Camiño de Santiago, a entidade CompostELA organizou este evento deportivo que enfrontou a políticos da Comarca de Lemos e Quiroga e membros da Garda Civil nun partido que se disputou o sábado 27 de setembro ás 18.30 horas no Campo Luis Bodegas.

O Concello de Monforte cedeu as instalacións deportivas e colaborou na organización deste acto solidario. O equipo denominado “Políticos United”, con participaron os concelleiros de Monforte e outros concellos da contorna, enfrontouse ó “Verdes Bremen”, integrado por membros da Garda Civil, rendendo homenaxe ao axente monfortino Germán Macía, falecido a causa da ELA. Os seus pais, Clara e Germán, asistiron tamén ao encontro e recibiron un ramo de flores das mans da capitana do equipo de políticos, a concelleira Regina López. Foi a nai de Germán Macía, Clara, quen fixo o saque de honor.

A entrada tivo un coste de 5 euros destinados a fins benéficos e púxose tamén a disposición da cidadanía unha Fila 0 para donacións.