Na adega Finca Míllara, o dron DJI FlyCart 30, operado por Grupo Elecnor, completou con éxito o transporte de 60 kg de uva Mencía. A operación consistiu en tres viaxes de apenas 3 minutos cada un, trasladando a carga nunha caixa suspendida desde as viñas ata a adega. Un fito para a viticultura heroica da Ribeira Sacra, demostramos por primeira vez en España a viabilidade técnica da vendima asistida por dron, aseguran desde a DO Ribeira Sacra.
Este fito foi posible grazas en primeiro lugar a INECO, ao Grupo Elecnor que coa súa autorización operacional marcou un fito, á AESA – Axencia Estatal de Seguridade Aérea, a ENAIRE e a SAERCO como provedores de tránsito aéreo necesarios dentro da autorización, así como á Adega Finca Míllara, ao Consello Regulador de DO Ribeira Sacra e á Asociación de Empresa Ribeira Sacra Next. Este feito foi unha resposta directa aos enormes desafíos da viticultura nun terreo extremo e representa un paso de xigante para:
- Mellorar a seguridade dos vendimadores, eliminando a tarefa máis ardua e perigosa.
- Optimizar a eficiencia loxística da colleita.
- Preservar a máxima calidade da uva, ao reducir o tempo entre a recolección e o prensado.
Antonio Lombardía, presidente do Consello Regulador da Denominación de Orixe Ribeira Sacra, di que practicamente todo o traballo realízase á man como desde hai séculos. “Pretendemos seguir traballando da mesma maneira, pero incorporando as novas tecnoloxías. Estamos a testar esta tecnoloxía para ver se é útil para os viticultores da Ribeira Sacra. A tecnoloxía para carga con drons está nun estado incipiente, pero cun desenrolo moi acelerado. Esta proba indícanos en que estado se atopa esta tecnoloxía actualmente e permítenos ser optimistas de fronte un futuro moi próximo. O dron non resultaría competitivo en todos os casos, pero si que podería ser moi útil en terreos con accesos moi complicados”.
Moi útil, sen dúbida, é para a aplicación de tratamentos fitosanitarios. Antonio Lombardía opina que “os drons nos interesan máis para a aplicación de produtos fitosanitarios. Temos pouca man de obra e unha poboación envellecida e trátase dun traballo moi sacrificado. Sería de gran axuda para que o viticultor e poder así manter este tipo de viticultura”.
Proxecto Escai / DO Ribeira Sacra
