Este xoves tivo lugar xa unha xornada de adestramento nas instalacións do Club de Golf Río Cabe de Monforte, xornada previa aos días de competición: venres 3, sábado 4 e domingo 5 de outubro.
A proba, “Campionato de España de Federacións Autonómicas de Pitch & Putt”, contará coas seleccións autonómicas desta modalidade de 16 Comunidades: Galicia, Andalucía, Castela e León, Canarias, Madrid, Castela a Mancha, A Rioxa, Cantabria, Navarra, Murcia, Asturias, Baleares, Comunidade Valenciana, Estremadura, País Vasco e Aragón.
Cada unha das seleccións estará formada por 4 xogadores que se disputarán o título durante os tres días de competición, nunha xornada inicial na que se xogarán 36 foxos clasificatorios stroke play para, a continuación, a partir do sábado 4, dar comezo ás xornadas match play nas que se disputa un dos principais títulos a nivel nacional.
O Club de Golf Río Cabe e Monforte convértense deste xeito no epicentro nacional do Pitch & Putt, recibindo aos mellores xogadores e ás mellores xogadoras do estado. Un total de 64 xogadores/as, os e as mellores de cada Comunidade Autónoma, disputaranse o título nacional autonómico.
