Os días 3, 4 e 5 de outubro tivo lugar na cidade do Cabe o ‘Campionato de España de Federacións Autonómicas de Pitch & Putt’, unha competición de Seleccións Autonómicas que organizaba a Real Federación Española de Golf.

Dezaseis seleccións autonómicas loitaron polo título de Campiona de España. En concreto, participaron: Castilla y León, Galicia, Asturias, Baleares, Andalucía, Cantabria, Castilla La Mancha, Navarra, Canarias, Aragón, La Rioja, País Vasco, Madrid, Comunidad Valenciana, Murcia e Extremadura. Cada comunidade competiu con equipos de 4 xogadores xunto cun capitán e un adestrador, polo que reuniu a preto dun cento de participantes que acudiron acompañados por familiares e amigos.

Baleares proclamouse vencedora, seguida que Canarias que acadou a segunda posición. Castilla y León e Andalucía quedaron en 3º e 4º posto, respectivamente. E por detrás, xa a Comunidade Valenciana (5ª) e Madrid (6ª). A selección galega conseguir situarse no 7º lugar, e a continuación posicionáronse, nesta orde, Murcia, Cantabria, Castilla La Mancha, La Rioja, Asturias, Aragón, Navarra, Pais Vasco e Extremadura.

Na entrega do trofeo, a Tenente de Alcalde, Gloria Prada, agradeceu á Federación Española de Golf o feito de escoller Monforte para celebrar este campionato e puxo en valor tamén que o evento servira para dinamizar o sector hostaleiro e da restauración ao acoller na cidade 64 xogadores e familias durante a fin de semana. No acto estivo acompañada polo presidente da Federación Galega de Golf, Mario Covelo López; Juan Redondo, vocal do Comité de Pitch&Putt da Real Federación Española de Golf; ⁠Marcos Gómez, presidente do Comité de P&P da Federación Galega de Golf; ⁠José Ángel Pérez Reñones, presidente do Club de Golf Río Cabe; Diego Portela, presidente do Comité de Árbitros da Federación Galega de Golf e árbitro principal da proba, e ⁠Alberto Pérez, xerente do Club de Golf Río Cabe.