O proxecto de reforma integral ten como base unha actuación completa de renovación dos firmes e das zonas verdes nunha superficie de 10.025 m2 ao sur da explanada, no entorno dos Escolapios. O contrato adxudicouse en xuño á empresa Calfensa Proyectos S.L. por un importe de 223.832,94€, e as obras avanzan a bo ritmo.
As actuacións previstas contemplan á substitución do firme do percorrido peonil e do carril bici que bordea a zona oeste do parque, que ampliará a anchura ata os 2 metros en todo o seu percorrido. Substituirase o firme actual de pavimento granular por outro de formigón de 20 cm, máis acorde cun percorrido deste tipo e máis seguro para os ciclistas e cómodo para o tráfico peonil.
Nas zonas verdes, procederase á substitución dos arbustos existentes, incluso dalgunhas árbores de pequeno porte que dificultan o seu mantemento e conservación en condicións adecuadas de limpeza, por unhas zonas de céspede con instalación de rego automático, fáciles de manter e conservar en condicións axeitadas. Nestas zonas achegarase terra vexetal para alcanzar unha cota e darlle unhas caídas adecuadas que faciliten o seu mantemento posterior.
Tamén se eliminarán os bordos nos cambios de pavimento, así como nos bordos das zonas verdes, que poden producir caídas e inconvintes para os peóns.
Na zona central actual, onde existen árbores e mobiliario urbano que na actualidade está nunha cota baixa, rechearase con jabre extendido e compactado. Para levar a cabo estas actuacións, procederase ao levantado e recolocación do mobiliario urbano existente, así como dos aparatos biosaudables, bancos e mesas de pedra.
Ademais, dado o gran uso que ten a zona polos veciños e veciñas de Monforte, crearanse novos paseos peonís pavimentados con formigón fratasado e novo mobiliario urbano: bancos de fundición, papeleiras de aceiro e fontes con grifos pulsadores e reixas sumideiro.
Así mesmo, procederase á mellora da iluminación da zona con luminarias LED e pintado de marcas viarias, continuas e discontinuas e de símbolos no percorrido peonil e no carril bici.
Esta actuación ven a completar as melloras que nos últimos anos levou a cabo o Executivo de José Tomé nesta zona tan importante da cidade como é a Compañía. Neste senso, o Alcalde indicou que “con esta actuación, seguimos a completar as accións de mellora que dende o Concello levamos a cabo neste espazo e que significaron a consecución dun novo parque infantil (177.000€), a construción dunha pista de Skate (77.000€), a mellora da pista polideportiva (48.000€) e a mellora da fonte cibernética da praza da Compañía (62.000€), polo que o investimento total destinado nos últimos anos para mellorar unha das zonas de esparcemento e lecer máis utilizadas da cidade, supera os 580.000 euros”, subliña o Alcalde.
