Durante dúas semanas, visitantes, familias e amigos poderán gozar de talleres, exposicións, xogos, espectáculos e moitas sorpresas máis no Centro Comercial Ponte Vella de Ourense para celebrar o seu 24º Aniversario.
Entre as actividades máis destacadas atópase o Playmobil Sky Trails, un espazo de xogo e construción con figuras e circuítos, situado no segundo andar do Centro Comercial e dispoñible de xoves a domingo de 17 a 21:00 horas, e os sábados tamén en horario de mañá de 12 a 14:00 h.
Para os máis aventureiros e as máis aventureiras unha opción de interese será participar nos Obradoiros Explorania (de 3 a 11 anos), talleres para descubrir a xungla e mundos máxicos, que se celebrarán os venres e sábados pola tarde de 16:30 a 20:30 h. e para os/as amantes dos videoxogos haberá un Espazo Gaming, con videoconsolas de última xeración (NintendoSwitch, Switch 2 e PS5) e un novo completo simulador racing na planta baixa. Haberá torneos e estrea de novos videoxogos.
CLUB PONTI, EXPOSICIÓN E MAXIA
O Club de Ponti tamén está de celebración, xa que cumpre o seu primeiro ano con máis de 1.500 socios. Para conmemoralo, entregarase un agasallo especial: unha foto impresa coa mascota Ponti presente, que ademais celebra o seu terceiro aniversario. Esta actividade desenvolverase ata ao 25 de outubro no espazo de talleres de luns a sábado de 18 a 20h.
A programación complétase cunha exposición artística dos alumnos da Academia de Arte Simón Muñoz, que poderá visitarse a partir do 10 de outubro na segunda planta, e un gran show de maxia a cargo do mago Pablo Estévez, que poñerá o broche final ás celebracións o sábado 25 ás 19:00 horas.
Con esta ampla proposta de lecer, o Centro Comercial Ponte Vella reafirma o seu compromiso con Ourense como punto de encontro, entretemento e vida familiar, convidando a todas e todos a gozar do seu 24º aniversario nun ambiente cheo de ilusión e diversión.
