Dende o Partido Popular lembran que tralos devastadores incendios do pasado verán non só se produciron importantes perdas do patrimonio natural e do medio de vida de moitos veciños e veciñas, senón que tamén se viu afectado o servizo de telefonía e conexión a Internet.
“A tardanza en recuperar o servizo, varias semanas despois dos incendios, prexudicou a actividade diaria dos veciños e veciñas á hora de facer distintas xestións esenciais”, apuntan.
Nese sentido, propoñen que o Concello se dirixa formalmente ás empresas de telefonía para que, ante situacións similares de grandes magnitudes, adopten medidas inmediatas para garantir a continuidade dos servizos tanto para os usuarios particulares como para as empresas afectadas.
Os populares aseguran compartir o malestar das persoas afectadas, unha preocupación que trasladaron ao Senado “para coñecer se o Goberno de Sánchez está a tomar medidas para mellorar este servizo no municipio”.
