Un octoxenario foi achado morto este luns nunha mina de auga no lugar de Brosmos, na localidade lucense de Sober. Segundo fontes municipais consultadas por Europa Press, o home, veciño de Sanmil, na parroquia de Santa Cruz de Brosmos, acudiu a por auga a este lugar.
Os familiares cos que convivía no seu domicilio notaron a súa ausencia e, posteriormente, atoparon o corpo sen vida do home nesta mina de auga. Así mesmo, estas mesmas fontes indicaron que se trata dun manancial de pouca altura no que é necesario agacharse para poder coller a auga, polo que apuntan a que o home puido sufrir unha indisposición e caer e non logrou saír.
En todo caso, as forzas e corpos de seguridade investigan o acontecido e está previsto que se lle realice a autopsia para esclarecer as causas do falecemento. O 112 recibiu o primeiro aviso sobre as 15.00 horas e mobilizou até o lugar aos Bombeiros de Monforte, ao Servizo de Urxencias Sanitarias de Galicia-061 e á Garda Civil.
