Segundo o BNG, esta estrada leva anos en mal estado e con cascallos nalgunhas zonas e escorrentías de auga en varios puntos entre Os Peares e Guítara, no termo municipal de Pantón.
“O arranxo desta estrada é vital para moitos das nosas veciñas e veciños, xa temos presentado iniciativas no Congreso (tres veces), das que o goberno de España fixo caso omiso. Tamén promovemos iniciativas no ámbito municipal e galego asociadas á condición de BIC da paisaxe que ten esta estrada”, asegura Rosa Ana Prieto Florines, voceira nacionalista en Pantón
Para o BNG é inadmisible que o piso estea en mal estado e tomado polas escorrentías de auga, “Supón unha falta de respecto ás persoas que viven ou veñen ás parroquias de Pombeiro e Atán, defendemos a igualdade de dereitos das persoas vivamos onde vivamos. E non entendemos que esta zona sexa o núcleo desa paisaxe da auga que prentenden
declarar Patrimonio Mundial mentres nos teñen así unha estrada fundamental de acceso ás nosas ribeiras”.
