HomesociedadeO 1 de decembro abre a inscrición dos Campamentos e Obradoiros de...

O 1 de decembro abre a inscrición dos Campamentos e Obradoiros de Nadal no Concello de Chantada

O programa inclúe actividades orientadas a favorecer a conciliación durante estas Festas de Nadal. As familias interesadas poden anotarse a partir deste 1 de decembro.

Publicado o

POR
Redacción
- Advertisement -

O Concello de Chantada vén de anunciar os ‘Campamentos e Obradoiros de Nadal’, actividades que teñen como obxectivo favorecer a conciliación e a creatividade da cativada.

Os Campamentos de Nadal desenvolveranse no Pavillón Municipal de Chantada do 23 de decembro ao 7 de xaneiro cun horario de 10:00 a 14:00 horas e a opción do Servizo de Madrugadores en horario de 8:00 a 10:00 h. para as familias que así o soliciten. Levaranse a cabo os días 23, 24, 26, 29, 30 e 31 de decembro e 2, 5 e 7 de xaneiro de 2026.

As inscricións ábrense nas oficinas de Servizos Sociais en horario de 9:00 a 14:00 horas desde este luns, 1 de decembro, e alongaranse ata o día 10 do mesmo mes.

Os Obradoiros de Nadal, que se organizan por segundo ano no concello, desenvolveranse no telecentro en horario de 11:00 a 12:30 h coa seguinte axenda:

-Días 22 e 28 con actividades para nenas/os de 4 a 6 anos

-Días 23 e 30 con actividades para nenas/os de 7 a 9 anos

-Días 24 e 31 con actividades para nenas/os de 10 a 13 anos

As prazas están limitadas a 30 e cubriranse por orde de inscrición, que debe facerse tamén nas oficinas de Servizos Sociais, desde o 1 de decembro e ata completar as prazas.

Obradoiros de Nadal. Foto: Concello de Chantada.
CHAMAMENTO Á UN APROVEITAMENTO RESPONSABLE

Desde o Concello de Chantada faise un chamamento a que as nenas e nenos inscritas/os nos Campamentos de Nadal asistan ás actividades, “outros anos inscribíronse participantes que despois non asistiron ás actividades. A axenda e contratación de monitores faise contando coas inscricións recibidas. Pedimos que as persoas inscritas participen das actividades para facer un uso correcto destes recursos que son para todas/os”, explica o alcalde, Manuel Lorenzo Varela.

OUTRAS ACTIVIDADES PARA O NADAL

A programación de Nadal do Concello de Chantada complétase ademais coas actividades que desenvolverá a concellería de Cultura no Auditorio Municipal e na Biblioteca, ademais da celebración o 5 de xaneiro da Cabalgata de Reis co desfile das Súas Maxestades polas rúas da vila.

ÚLTIMAS

O BNG de Monforte sobre as obras na rúa Ourense, “é especialmente grave investir 100.000€ nunha obra innecesario”

Segundo o BNG, este feito, "por si só, demostra a absoluta falta de planificación...

Monforte resolve as axudas para deportistas individuais e a celebración das festas dos barrios e parroquias

No caso das subvencións para a celebración de festas de barrios e parroquias, o...

Arias felicita ao cociñeiro Rafa Centeno e ao equipo do restaurante Vértigo por lograr a primeira Estrela Michelín da provincia

Arias visitou o establecemento acompañado do alcalde de Sober, Luis Fernández, para felicitar ao...

Enonatur e unha iniciativa inclusiva do Club Fluvial de Monforte, premios AGADER 2025

A conselleira de Medio Rural, María José Gómez, definiu estes galardóns -aos que este...