Na primeira comparecencia pública tras coñecerse as denuncias, o alcalde de Monforte, José Tomé, anunciou que emprenderá accións legais para defender a súa “honra” ante as acusacións, que cualificou de “falsas”. “Non hai probas nin as pode haber”, sostivo en declaracións aos medios este mércores en Monforte, onde asegurou que son “falso e mentira” os feitos que se lle atribúen.