Como antecedentes, a Asociación explica que este verán quedou patente o poder devastador dos lumes, “e vistas as dificultades para frealo nun territorio plagado de piñeirais, e tendo en conta que estos fenómenos vanse repetir cada vez con máis frecuencia, debido á emerxencia climática que estamos a vivir, son horas de que dende todas as institucións se adopten urxentemente medidas preventivas para mitigar esta ameaza real que acaba arruinando á poboación e afondando no despoboamento da nosa área”.
A Asociación solicita así, a creación dunha ordenanza na que se prohíba a plantación de árbores pirófitas, “que imposibilitan a extinción dos incendios e aceleran a extensión dos mesmos. O eucalipto, árbore extremadamente inflamable e o piñeiro, que coa metralla expansora das súas piñas convértese nun perigosísimo combustible”.
Solicitan que se aborde o tema con seriedade e coa intención de previr “outra catástrofe incendiaria como a deste verán”.
