Tras reunirse coas Súas Maxestades o presidente e vicepresidente da Asociación de Empresarios de Chantada, Iñaki Castiñeira e Sergio Sánchez, queda “pechado o acordo” polo cal os Reis Magos entregarán de novo os seus agasallos nas súas casas aos cativos e cativas de Chantada.
Trátase dunha iniciativa que se repite tras o éxito acadado o pasado ano cando os Reis Magos do CCA Ribeira Sacra foron a unas 40 casas e entregaron os sus agasallos a preto de 60 nenos e nenas. En palabras de Iñaki Castiñeira, presidente da Asociación de Empresarios de Chantada e do CCA Ribeira Sacra, respecto da campaña anterior “foi todo un éxito nos Reis de 2025 e non tivemos dúbidas en repetila: chegounos ver as cariñas de ledicia dos pequenos en todas as casas”.
PARTICIPACIÓN NA CAPAÑA E CABALGATA
Para participar desta acción e ter a opción de ser visitado polos Reis cómpre mercar nas tendas do CCA e gastar un mínimo de 100 euros entre o 9 de decembro e o 2 de xaneiro. Haberá prazas limitadas, que se adxudicarán por estrita orde de reserva. Ao termo da campaña (o día 2 de xaneiro), deseñarase o percorrido e informarase a todas as familias da hora aproximada en que recibirán a visita das súas Maxestades de Oriente.
A visita dos Reis Magos farase o día 5 de xaneiro e comezará ao rematar a Cabalgata de Chantada, aproximadamente ás 20:30 horas. Cada Rei Mago terá o seu percorrido, para poder chegar a todas as casas posibles, tanto no centro urbano como nas parroquias.
