Os días 23 e 30 de decembro, os cubos habilitados diariamente para a recollida de lixo quedarán depositados na rúa ata o inicio do servizo dos días posteriores, 24 e 31 de decembro.

Así mesmo, os días 24 e 31 de decembro, a recollida comezará ás 15.00 horas e rematará ás 19.00 horas. Este horario afectará tanto ao servizo de recollida de fracción resto como ao de retirada de cartón porta a porta no casco urbano de Monforte. Procederase tanto á recollida de lixo como de cubos.

Por outra parte, os días 25 e 31 de decembro e o 6 de xaneiro de 2026 a empresa realizará os servizos propios e habituais dos domingos e festivos. 

A concellería de Medio Ambiente lamenta as molestias que puideran derivarse deste cambio e, ao mesmo tempo, solicita a colaboración de todos os veciños e veciñas de Monforte. O servizo de recollida de lixo volverá ao seu horario habitual os días seguintes ás datas festivas.