Participaron tamén do acto de entrega, o responsable da oficina de Monforte, Ivan Vázquez; o director xeral da Cooperativa Lemos, José Manuel Rodríguez, e o xerente desta entidade, David Buján. Desde Ucoga sinalaban que o obxectivo é “colaborar coas persoas máis vulnerables e aportar o noso grao de area para que todos os fogares teñan turrón e doces navideños nestas emblemáticas festas”.

Gloria Prada agradeceu a entrega destas cestas e explicou que se repartirán mediante sorteo entre as familias con fillos menores usuarias dos Servizos Sociais do Concello de Monforte.

A Tenente de Alcalde lembrou que o Concello de Monforte destina unha partida orzamentaria anual de 75.000 euros á emerxencia social e colabora tamén coa poboación máis vulnerable a través de  axudas para mellorar a eficiencia enerxética nos fogares cunha contía total de 25.000 euros.