A Xunta de Goberno Local aprobou esta semana a concesión de axudas que suman un importe total de 14.994,00€ repartidos entre os 55 solicitantes que cumpriron os requisitos.

O alcalde destaca que “con esta liña de axudas, contribuímos a facilitar os desprazamentos daqueles estudantes monfortinos que cursan estudos fóra do noso Concello, ben sexa no ámbito universitario, ben noutro tipo de disciplinas que non se ofertan na nosa cidade. O noso compromiso coas políticas sociais é firme”.

Para optar estas axudas, os solicitantes deben estar empadroados no Concello de Monforte e estar matriculados no curso 2025-2026 en calquera universidade, ciclo de formación ou bacharelato fora do municipio. Cada solicitante opta a axudas que van dos 200€ aos 600€ en función da renda per cápita familiar, que é a resultante de dividir os ingresos  familiares entre os membros computables da unidade familiar, quedando excluídas aquelas que no cómputo final superan os 12.000€.