O equipo sub-16 feminino da Gándara, formado por Mencia Alvarez, Alba Lois, Sara Pérez e Claudia Marqués, proclamouse subcampión galego, tras unha actuación sólida e moi regular que lles permitiu subir ao segundo chanzo do podio. No plano individual, Mencía Álvarez Velasco completou unha carreira excepcional, logrando a medalla de bronce e consolidándose como unha das atletas máis prometedoras da categoría.
Ademais, na categoría sub-18, Sabela Nieves competiu co equipo do club filial Atletismo Lucus, que tamén acadaron a prata por equipos. Este resultado permítelle, xunto ao seu equipo, clasificarse para o Campionato de España, un logro que reflicte o seu excelente estado de forma e a progresión que vén demostrando ao longo da tempada.
Desde A Gándara destacan “o compromiso, o esforzo e a ilusión de todas as atletas, así como o traballo do corpo técnico e o apoio das familias, fundamentais para seguir impulsando o atletismo de base na Comarca de Lemos”.
