Esperta Monforte asegura compartir os argumentos expostos polo BNG para reclamar a invalidez do acordo plenario, xa que consideran que se incumpriu o procedemento legalmente establecido para a presentación de iniciativas dun grupo municipal, no relativo á votación por puntos, “unha prerrogativa que non pode ser decidida de forma unilateral por un portavoz que non presenta a moción”.

Informan que durante o pleno o alcalde e o portavoz do goberno se negaron a permitir a votación por puntos, “o que evidencia un menosprezo reiterado cara a opoisición e os procedementos democáticos. Estes comportamentos vulneran a normativa vixente e deterioran a confianza da cidadanía nas institucións municipais”.

Nun comunicado, Esperta Monforte asegura reafirmarse no seu compromiso coa transparencia e a legalidade, amosa o respado á solicitude nacionalista e esixen que se garanta a participación igualitaria de todos os grupos.