Un home resultou ferido este domingo tras ser atropelado por un tren en Monforte. O suceso tivo lugar nun paso a nivel situado á altura da rúa Eduardo Pondal e o home tivo que ser evacuado ao Hospital de Monforte. 

Segundo informou o 112, eran as 22.45 horas cando un particular alertou ao servizo de que un home acababa de ser alcanzado por un tren e necesitaba asistencia sanitaria urxente. Deuse aviso a Urxencias Sanitarias de Galicia-061, aos bombeiros e á Policía Local de Monforte, ademais da a Policía Nacional e ao persoal de emerxencias de ADIF. A circulación ferroviaria permaneceu cortada durante o operativo.