No caso da rúa Doutor Teijeiro, o tramo afectado é o comprendido entre o enlace da rúa Julio Camba coa Praza de Abastos, polo que estará pechado o sábado desde ás 15.00 horas e o domingo todo o día.
O acceso dos vehículos que entran desde Roberto Baamonde por Julio Camba con dirección ás rúas Inés de Castro e Ricardo Quiroga, farase de forma alternativa tanto pola rúa da Corna (neste caso unicamente para turismos e vehículos de dúas rodas) como polas rúa Real e Santo Domingo.
Os traballos de reparación do firme na rúa Doutor Casares realizaranse no tramo comprendido entre o inicio da vía na Praza de Doutor Goyanes e o enlace co Paseo do Malecón. As obras comezarán na mañá do sábado, polo que a rúa estará pechada ao tráfico desde as 9.00 horas do sábado e o domingo todo o día. Durante este horario non se poderá acceder nin saír dos garaxes que existan no tramo afectado.
Deste xeito, a circulación de vehículos procedentes do Campo de San Antonio e rúa Corredoira que teñan como destino a rúa Doutor Casares pasando pola Ponte Vella farase de forma alternativa pola Ronda María Emilia Casas Baamonde. Na Praza de Doutor Goyanes permitirase o paso dos vehículos que teñan autorización para circular polas rúas peonís cando pretendan acceder ás rúas Abelardo Baanante, Comercio e Armando Cotarelo, e sempre exclusivamente no tramo horario en que teñan autorizado
