Nesta primeira xuntanza púxose en marcha a maquinaria que moverá esta cita de exaltación do viño de Quiroga que se celebrará o 4 e 5 de abril.

Por diante queda un longo traballo e varias xuntanzas ata que remate de perfilarse todo o que engloba a Feira do Viño, dende os seus prolegómenos coas bases para o concurso de carteis promocionais ata os actos a desenvolver os propios días nos que se leve a cabo xa en Semana Santa.

O rexedor local, que presidía a xuntanza, non quixo adiantar ningún dos actos por estar todo aínda sen pechar; e porque ademais estase traballando paralelamente noutra importantes cita para Quiroga como é a Mostra do Aceite, que se celebrará o 14 e 15 de marzo.