José López Campos explicoulles aos rexedores destes dos municipios, dos 26 que integran o territorio da candidatura, o abordado esta mesma semana en París co subdirector de Cultura da Unesco, Ernesto Ottone, e o embaixador de España ante este organismo, Miquel Iceta, co obxecto de seguir perfilando e ultimando a estratexia para os vindeiros meses.

Neste senso, salientoulles as boas sensacións recollidas nesta xuntanza con respecto á proposta, baseada unha paisaxe construída co uso da auga dun xeito novidoso que non está presente aínda de xeito suficiente na Lista de Patrimonio Mundial.

Ademais, na reunión tamén se centraron na adaptación da Lei do Patrimonio Cultural, que lles permitirá aos concellos axilizar trámites e garantir unha protección máis eficaz dos seus bens patrimoniais.