Un incendio que afecta á infraestrutura ferroviaria mantén cortada a liña entre Montefurado, en Quiroga, e Monforte de Lemos, na provincia de Lugo, segundo informou Adif. Esta incidencia, na chamada liña do Miño, afectou, polo momento, a un tren rexional que circulaba entre Ponferrada e Ourense.

Renfe informou de que se estableceu un plan alternativo de transporte por estrada desde Montefurado até a estación de Ourense.