Castro Caldelas celebrou o pasado venres 6 de marzo o Día da Muller reivindicando e conmemorando a loita histórica das Mulleres pola igualdade dos dereitos, o recoñecemento da súa contribución á sociedade e á eliminación da discriminación e violencia de xénero. Esta resumida declaración de intencións foi trasladada ao público asistente, primeiro amosando o traballo realizado con gancho que se pendurou na fachada da Casa do Concello, e despois coa lectura do Manifesto á finalización do acto.
A Alcaldesa deu as grazas pola asistencia e, en concreto, ás Mulleres da Asociación de Xubilados polo fermoso traballo feito en Gancho, unha obra na que cada unha das participantes lembra a vida dunha das Mulleres que perderon a vida por violencia de xénero ou violencia vicaria.
“Este traballo feito en Gancho únese a todos os que se levan feito e se continuarán a realizar para engalanar as rúas, prazas, Castelo, Igrexas,… en momentos singulares”, dixo tamén a Alcaldesa, Sara Inés Vega.
ENTREGA DO IV PREMIO DA MULLER CALDELÁ
Este ano levou o recoñecemento Pepita Carballo, unha das mulleres pioneiras en Castro Caldelas. “Con 94 anos foi unha das primeiras en conducir un coche, creou e estivo a fronte dunha Ferretería e déposito-despacho de gas, un negocio fortemente masculinizado que a día de hoxe sigue activo e moi ampliado polo seu fillo e neto”, dixo Alcaldesa engadindo tamén que “foi e é unha muller de fortes inquietudes e convincións, creando a primeira Asociación de Xubilados de Castro Caldelas, sendo un fortísimo aliciente e impulsora para acadar unha calidade de vida e forte actividade das Mulleres e dos seus tempos de lecer”.
Como remate, Sara Inés declaraba a súa admiración pola fortaleza e disciplina que a caracterizan, e agradecía tamén a colaboración recibida pola súa parte nos anos que leva no concello.
