Niño de barro y su metamorfosis, publicado pola editorial Cuadranta, é unha viaxe íntima e desgarradora a través das cicatrices dunha vida moldeada pola dor, a resiliencia e a procura incansable de identidade. O autor ispe a súa alma en versos que percorren desde a inocencia fracturada dunha infancia marcada polo maltrato e o acoso, ata a madurez ferida por perdas, traizóns e renacementos.

Dividido en cinco capítulos que reflicten as etapas clave da súa existencia, o poemario é un crisol no que conviven a escuridade e os reflexos de esperanza. Cunha voz crúa e lírica, o autor transforma o barro das súas feridas en arte, explorando temas universais coma o desamor, a soidade, a redención e a loita por preservar a memoria fronte ó esquecemento.

Esteban A. Jiménez asinará exemplares ó remate da presentación que está aberta a todas as persoas interesadas.