O IES A Pinguela vén de celebrar o acto de graduación do seu alumnado de Formación Profesional 2024/2026. O acto tivo lugar no edificio multiusos de Monforte onde se lle brindou unha merecida homenaxe a todas e todos polo esforzo realizado nos dous últimos cursos do ciclo formativo no centro: Ciclos Superiores de Administración e Finanzas (ordinario e dual intensivo), Asistencia á Dirección, Desenvolvemento de Aplicacións Web, Estilismo e Dirección de Peiteado. Ciclos Medios de Xestión Administrativa, Peiteado e complementos de Moda, Estética e Beleza. Así como tamén, Sistemas Microinformáticos e Redes, Confección e Moda, Calzado e Complementos de Moda e FP Básica de Servizos Administrativos.
PADRIÑO DO EVENTO
A dirección do centro convidou a apadriñar a promoción homenaxeada ao exalumno Jesús Ledo Cores, Premio Extraordinario de Formación Profesional 2025 da familia profesional de Administración. Houbo intervencións de profesores, alumnos de todas as familias profesionais e do propio director do centro, Enrique Sampil. A parte musical chegou da man das profesoras de Imaxe Persoal Celsa e Azucena, que interpretaron un emotivo tema composto por elas para a ocasión.
Ao rematar o acto no Edificio Multiusos, e como é tradicional, houbo unha cea de confraternidade nun restaurante local.
