Os escolares de 5º curso de Educación Primaria do CEIP Monforte –Colexio Novo–, tiveron a oportunidade de coñecer o pasado 25 de marzo as instalacións municipais e o Salón de Plenos da Casa do Concello monfortina. Alí foron recibidos polo rexedor quen lles explicou o funcionamento e composición do Concello como administración máis próxima aos cidadáns. José Tomé explicou tamén o traballo que desenvolve o persoal funcionario e as funcións dos distintos departamentos, e respondeu ás preguntas e dúbidas do alumnado.

Os escolares coñeceron de primeira man os proxectos nos que traballa o Equipo de Goberno e visitaron as instalacións da Alcaldía, incluído o despacho do Alcalde. Aproveitando a visita, achegáronse ás dependencias da Policía Local onde os axentes amosáronlle as instalacións e os vehículos policiais.