A Escudería Taboada realizará a presentación oficial da XIII Subida a Taboada o vindeiro 10 de abril. Durante este acto daranse a coñecer todos os detalles e a programación das actividades que se celebrarán os días 25 e 26 de abril, así como o cartel oficial.

Ademais, entre varias novidades, anunciarase que este ano haberá unha colaboración con RevÉLAte, unha iniciativa creada por unha veciña que decidiu dar visibilidade á enfermidade que padece: Esclerose Lateral Amiotrófica.

O cartel da presentación foi elaborado por 2 nenas do colexio CPI San Tomé do Carballo, Carla Saa e Alejandra Besteiro.