A formación política lembra varias actuacións illadas, maioritariamente de voluntariado e asegura que desde o ano 2022 o Concello cobrou unha axuda de 60.531€ da Xunta de Galicia, ligada ás reservas da biosfera de Galicia e lamenta que “non se volveran solicitar actuacións para tal fin”.

A mimosa é unha praga invasora que, se non se combate con constancia, vai gañando terreo pouco a pouco, desprazando a vexetación autóctona e degradando o monte. E iso queren evitar con esta moción e conseguir que o concello actúe tódolos anos na eliminación desta praga, cunha planificación seria e continuada no tempo.

“As especies invasoras non se frean con actuacións soltas nin con boa vontade puntual: freánse con compromiso, con traballo e con continuidade. O Courel merece que se coide o territorio antes de que o problema sexa moito maior e máis difícil de atallar”, conclúen.