Esta semana presentouse a proba ciclista da Copa de España de Descenso BTT DH Molinos, que se desenvolverá no Páramo este domingo, 26 de abril. Do acto participou o delegado territorial, Javier Arias, xa que a Xunta renova a súa colaboración co club DH Galicia para desenvolver unha das citas máis importantes do calendario nacional de BTT, que reunirá arredor de 200 corredores de diferentes categorías nun circuíto deseñado para ofrecer un alto nivel técnico e deportivo.
A proba está aberta ás categorías Infantil, Cadete, Junior, Sub-23, Elite e todas as Máster (masculinas e femininas).
O delegado destacou o respaldo do Goberno galego a todo tipo de iniciativas “que impulsen a actividade deportiva, dinamicen o territorio e poñan en valor o medio natural”. Salientou ademais o potencial do deporte para diversificar a oferta turística da zona e atraer visitantes durante todo o ano.
BTT Páramo presentación 2026 / Delegación territorial
