A iniciativa achega ao alumnado o ciclo de incubación e nacemento dos ovos ao tempo que lles dá a coñecer as características desta raza autóctona, a súa crianza e as súas cualidades gastronómicas da súa carne.
A deputada, Iria Castro, achegouse ao centro, onde tras tres semanas de incubación dos ovos, naceron unha ducia de polos. A responsable provincial aproveitou a súa intervención no acto para animar a “consumir produtos locais, alimentos que producen gandeiras e gandeiros no entorno máis próximo, para apoiar o seu traballo e forma de vida”.
Ademais de Monforte, A Galiña vai á Escola chegou hoxe aos colexios Santo Tomé do Carballo en Taboada e San Xoán do Requeixo de Chantada. No que vai de ano, tamén participaron nesta actividade alumnas e alumnos dos colexios de Friol, de Xermade, CEIP de San Román (Vilalba), de Navia de Suarna, de Baleira, de Castro Ribeiras de Lea, de Galdo (Viveiro), de Lourenzá e de Riotorto.
O persoal de Avimós desprázase aos centros para poñer en marcha a incubación, que dura 21 días. No día 19, volven para modificar os parámetros da incubadora amosando ao alumnado como diferenciar, cun ovoscopio, os ovos que son fértiles e os que non. Tras o nacemento dos polos, fan as charlas divulgativas nas que explican as características desta raza autóctona e a súa crianza
