Baixo o título, “Begoña Caamaño, a muller que inventaba o mundo”, a escritora e profesora Olga Novo fará un percorrido pola súa obra para profundar na reescritura dos mitos desde unha perspectiva feminista pero tamén en conexión co seu compromiso social coa realidade galega. Ademais, a relatora avanza que trazará desde certas figuras dos mitos literarios como ‘A Penélope’, que aparecen na obra de Caamaño e na tradición literaria galega, pero tamén ‘Penélopes reais’…”

O BNG de Quiroga convida á participación para coñecer esta escritora e xornalista viguesa que destacou polo seu traballo como xornalista e pola pegada da súa obra, en especial con “Circe ou o pracer do Azul” e  “Morgana en Esmelle” coa que recibiu varios premios literarios.

Ademais, tamén se quere salientar o seu activismo social incansable como nacionalista, sindicalista, feminista e antimilitarista.