A Xunta renova o seu apoio á concentración moteira organizada polo club Sarria Bikers, que celebrará a súa cuarta edición do 15 ao 17 de maio. A directora territorial da Consellería de Emprego, Comercio e Emigración, Carmen José López, participou na presentación da programación.

Entre as actividades previstas figura a exhibición a cargo de ‘Balles y Pichu Stunt Show’, o sábado ás 18,30 horas no campo da Ribela, á que seguirá unha ruta de fachos e bandeiras en memoria dos moteiros caídos. O cartel inclúe tamén percorridos polos concellos da comarca, xogos, sorteos e actuacións musicais, como as do Grupo Keepers, DJ Cendoi ou a orquestra Neverloura, entre outras propostas.