O convenio recolle entre outras obras, a renovación do alumeado público na Rúa Antonio Pedrosa-Pumares, en San Clodio; a construción de pasos peonís elevados e melloras nas beirarrúas; a ampliación da rede de abastecemento en Barreiro; e a instalación de luminarias solares na Fraga e no paseo fluvial de San Clodio.

Contémplase tamén a adquisición de mobiliario para eventos culturais e festivos, novo equipamento para o Servizo de Axuda no Fogar e a organización de actividades culturais, deportivas e festivas durante o verán, entre elas a IV Festa do Viño e a Festa da Xuventude.