O CCA Ribeira Sacra de Chantada celebrará a “Noite Aberta” o vindeiro venres, 12 de xuño, e contará con 32 establecementos participantes de roupa, calzado, complementos, cosmética, alimentación, fotografía, etc.
Para crear ambiente festivo e fomentar o consumo das familias no comercio local haberá animación infantil (Pza. España) –entre as 19:30 e as 22:30 h– con inchables, carriño de lambetadas e obradoiro de reciclaxe. Para o público xeral está programada animación musical con pasarrúas pola vila.
E, por primeira vez, organizarase un obradoiro baixo o título:“Chantada, entre viños e petiscos”. Consistirá nunha cata de viños da Ribeira Sacra para maiores de 18 anos que estará acompañada de petiscos de produtores da zona. As prazas son limitadas e ten un custe de 10€ / persoa. O día 10 de xuño será o derradeiro para inscribirse na sede da Asociación (Praza de España, 10 en horario de 10:00 a 16:00h.)
DESCONTOS NAS TENDAS PARTICIPANTES
Con esta campaña o CCA Ribeira Sacra anima á xente a mercar nos establecementos asociados o día da celebración da ‘Noite Aberta’, venres 12 de xuño, para despois cambiar os tikets de compra por agasallos.
O troco anterior pódese facer o propio día 12 de 10:00 a 14:00 h na oficina da Asociación de Empresarios de Chantada, na Praza de España, e de 19:00 a 21:30 h. na carpa da entidade ubicada no lugar anterior. E tamén se pode facer o día 15 de xuño, neste caso de 10:00 a 15:00 h na sede de asociación.
