A institución provincial destinará 287.702,17€ en Paradela á rehabilitación de catro quilómetros da estrada LU-P-4201, que comunica Pacios con Mosteirovello. Concretamente o proxecto afectará ao treito entre os puntos quilométricos 4,17 e 8. Os traballos inclúen a reapertura de cunetas, a renovación do firme con aglomerado en quente e a reposición da sinalización.

Ademais, executarase un paso elevado á altura do CEIP de San Miguel para reforzar a seguridade do tráfico nun punto especialmente sensible pola presenza de escolares. O prazo de execución previsto é de catro meses.

No concello de Taboada, a empresa Construciones Leonardo Miguélez executará por 296.526,23€ a rehabilitación dos primeiros 6,1 quilómetros da LU-P-6001 que conecta a capitalidade municipal con Mundín por Ada. Ademais das melloras na drenaxe, pavimentación e sinalización, construirase un muro de escollera para estabilizar un tramo da vía.

En Chantada, Explotaciones Gallegas SL executará por 247.820€ a rehabilitación integral dos máis de 3,7 quilómetros da LU-P-1819, unha vía moi demandada pola veciñanza que conecta as parroquias de Quinzán das Peras e Mundín e dá servizo a entidades de poboación como Ferreiros, Nande ou Amorín. As obras consistirán fundamentalmente na mellora da drenaxe, a renovación do firme mediante aglomerado en quente e a reposición da sinalización, cun prazo de execución de catro meses.

.