CompostELA naceu no 2019 por iniciativa dun grupo de peregrinos relacionados dalgún modo con esta enfermidade, que todos os anos realiza a Ruta Xacobea no mes de setembro.
Este domingo no Día Mundial da ELA celebrouse en Monforte de Lemos a II Marcha Solidaria contra a ELA ‘Memorial Germán Macía’, cunha andaina solidaria que partiu ás 11.00 horas da Explanada da Compañía e percorreu o Paseo de Lugo, rúa Duquesa de Alba, San Lázaro, Reboredo, Dalmiro de la Válgoma e Escultor Francisco Moure para finalizar no mesmo punto de partida.
O Concello de Monforte colaborou coa organización deste evento solidario aportando a dotación dunha ambulancia, o mobiliario necesario e a participación da Policía Local e de Protección Civil no operativo de tráfico e a organización do dispositivo que facilitou o desenvolvemento da actividade.
O alcalde amosa o seu apoio e o do equipo de Goberno a calquera iniciativa que repercuta nunha visibilización da ELA e na mellora da calidade de vida das persoas que padecen esta enfermidade. O rexedor quixo mandar unha mensaxe de esperanza para todas as persoas que sofren esta enfermidade, centrado nos avances científicos que se están producindo nos últimos tempos.
revélate en Taboada
O campo da feira de Taboada acollía este día 20 desde as 11:00h o Festival Solidario co que colaboraba o concello e que promovía a activista e paciente de ELA, Tatiana Badiola, para recadar fondos para AGAELA e visibilizar a enfermidade. Para iso contouse con música en directo, bingo solidario, actividades de concienciación e zona gastronómica. Presentouse tamén o proxecto multicultural de RevÉLAte, co que traballa Tatiana.
Durante a xornada Silvia Penide recitou algúns dos seus poemas e cantou. Tamén deixarían a súa música neste Festival Solidario, Los Camachuelos, Phantom Mollo, Catuxa Salom en formato acústico e íntimo, e Ángel Novcad + Marta Darcos.
Toda a recadación será destinada a AGAELA (Asociación Gallega de Afectados de Esclerosis Lateral Amiotrófica), para apoiar o seu labor cas personas afectadas pola ELA e ás súas familias.
