Dende a secretaría de acción sindical non entenden como pode haber empresarios que ‘exploten laboralmente’ aos seus traballadores e non lles paguen o soldo durante meses sabendo incluso que teñen fillos ao seu cargo.
Neste caso concreto, e segundo refire Comisións Obreiras, a empresa adebedaba soldos á persoa demandante dende o mes de agosto de 2018 ademais de acumular retrasos continuados no pago dende xaneiro a xullo do mesmo mes.
Dende a Secretaría de acción sindical ven como exemplar esta resolución, a sentencia 22/2019 do Xulgado do Social número 1 de Lugo, que condena á empresa de servizos de limpeza a pagar os salarios pendentes e tamén os intereses de mora que correspondan. Lembran ademais, que resulta lamentable que o empresario non se presentara nin á conciliación nin ao propio xuízo e que tampouco o fixese ninguén na súa representación, feito que demostra un desprezo absoluto á xustiza.
acción de rúa
Con motivo da campaña “Mobilízate contra a pobreza enerxética” CC. OO. instalará unha mesa informativa para a recollida de sinaturas o mércores 27 de febreiro na Rúa Cardenal de Monforte de Lemos entre as 10:00 e as 14:30 h.
