A celebración da XVI Feira de Artesanía e Produtos da Terra contará desde as 12:00 da mañá coa Furgoteca, “Cocer e cantar” a cargo de Seisdedos e tamén a esa hora comezará o pasarrúas co grupo ‘As Searas’ e desde as 12:30h haberá unha degustación de xamón de porco celta a cargo de Cárnicas Teijeiro.

De 13:30 a 17:00h poderase desfrutar de xogos de habilidades, feitos con materiais de refugallo. Despois do xantar previsto para as 14:00h, a actividade da tarde comezará ás 16:00h cunha nova sesión de obradoiros abertos de artesanía de Galicia e ás 17:00 actuará a Charanga ‘Sorcha’.

Á tardiña, despois do peche de expositores, haberá unha degustación de iscos de porco celta no guizo e a actuación do grupo ‘Somoza Trío’, prevista para as 22:00h