O síndrome de Turner é un trastorno xenético que afecta ao desenvolvemento e a aparencia das mulleres. Tamén pode causar problemas de saúde como infertilidade e problemas do corazón. Ocorre debido a ausencia parcial ou completa dun dos cromosomas X e pode causar síntomas leves nalgunhas persoas e serios problemas de saúde noutras.

Non existe unha cura para este síndrome, mais si tratamentos para algúns dos síntomas. Neste senso, os avances en tratamentos estéticos permiten corrixir manifestacións físicas. As estatísticas indican que nace unha nena con síndrome de Turner por cada 2.500.

Dende a Asociación Síndrome de Turner en España insístese na importancia da súa detección precoz para poñer todos os medios ao alcance das persoas afectadas e mitigar ou evitar as súas consecuencias. Tamén consideran de gran importania dalo a coñecer ao público en xeral e ás propias afectadas para ensinar pautas a seguir e así integrar con normalidade ás nenas afectadas.