Sete persoas resultaron feridas tras unha colisión entre dous turismos na N-120, en Barxa de Lor, ao seu paso polo concello lucense da Pobra do Brollón. Segundo a información do 112 Galicia, o suceso produciuse sobre as 08.00 horas deste luns no quilómetro 507 da vía e foi un particular quen deu a voz de alarma.

Ao lugar desprazáronse os profesionais sanitarios, a Garda Civil de Tráfico, os Bombeiros de Monforte, o GES de Quiroga e os servizos de mantemento da estrada.