O Colexio Oficial de Xestores Administrativos de Galicia celebrará este sábado 5 de setembro en Monforte de Lemos a festividade de Santo Cayetano de Thiene, patrón da profesión.

A previsión é que o encontro reuna no Parador de Monforte a máis de 200 persoas, na súa maioría colexiados procedentes de distintos puntos de Galicia, e que conte coa presenza do alcalde da cidade e do xefe provincial de Tráfico en Lugo. Un dos momentos centrais da xornada será ás 14:15 horas coa entrega das distincións aos colexiados que cumpren 25 e 50 anos de traxectoria profesional, un recoñecemento co que o Colexio quere poñer en valor a experiencia, dedicación e compromiso de quen contribuíu durante décadas ao desenvolvemento da profesión.

Durante o acto tamén se renderá un recordo especial a Acacio Saco, figura histórica da profesión en Monforte e fundador en 1953 da Xestoría Saco. O Colexio quere aproveitar a celebración para reivindicar a presenza dos xestores administrativos en todos os recunchos de Galicia onde estes profesionais desempeñan unha importante labor de proximidade e acompañamento a cidadáns, autónomos e empresas na súa relación coas distintas Administracións.

A xornada concluirá coa intervención da presidenta do Colexio Oficial de Xestores Administrativos de Galicia, Pilar Otero Moar, quen centrará o seu discurso no valor da profesión, a transmisión de experiencia entre xeracións e o futuro dos xestores administrativos.