A CIG Saúde asegura que a suspensión dos quirófanos débese á falta de cama para ingreso dos quirófanos, “As plantas no verán estiveron ao 90-100% de ocupación, salvo casos puntuais. Houbo que facer cambios de pacientes entre plantas incluso de noite, sen respetar o descanso dos pacientes.”
Nesta situación denuncian que aumenta a carga de traballo dos supervisores para poder ingresar todo o que había pendente de urxencias e os programados, “As mañás eran caóticas xa que había que buscar habitacións para todo o que quedaba en observación de noite, e incluso nalgunha ocasión tívose que trasladar a Lugo a pacientes que tiñan que ingresar por falta de camas”.
Segundo o sindicato a media de pacientes vistos en urxencias os meses estivais foi de 57, con días de ata 90, “sen reforzo de persoal e incluso con espazo insuficiente”.
Con todo un ano máis pídenlle á Dirección solución ao peche de plantas que se fai durante o verán cando aumenta a poboación e que se reabra de maneira inmediata a Planta de Médicina Interna.
