O PP de Monforte defenderá no vindeiro pleno ordinario unha moción para que o Concello de Monforte inste á Deputación a coidar e poñer en valor os terreos pertencentes á Finca de Tor, un espazo que “podería cederse a iniciativas gandeiras para aproveitar os terreos, poñelos e valor a axudar a xerar riqueza no municipio e fixar poboación”..

Segundo os populares, a cesión ordenada e regulada de parte destas terras pertencentes ao Pazo de Tor ás explotacións gandeiras da zona, mediante formulas xurídicas adecuadas (convenios, concesións, etc ) permitiría reforzar a viabilidade do sector gandeiro existente na comarca, así como manter o valor histórico, cultural e, sobre todo, paisaxístico da Finca de Tor que, na actualidade, se encontra a monte e descoidada.

Este espazo conta cunha superficie de 250 hectáreas, con arboredo e parcelas cultivables, así como un amplo estanque de auga.